INUNNUT INUIAQATIGIINNULLU TUNNGASUNIK ILISIMATUSARNEQ

Kalaallit Nunaanni inunnut inuiaqatigiinnullu tunngasunik ilisimatusarneq Kalaallit Nunaanni Danmarkimilu ilisimatusarfinni arlalinni ingerlanneqarpoq.

Kalaallit Nunaanni inunnut inuiaqatigiinnullu tunngasunik ilisimatusarneq pingaartumik Ilisimatusarfimmi ingerlanneqarpoq. Taassuma saniatigut Meeqqat inuusuttullu pillugit ilisimasaqarfik (MIPI), Nunatta Katersugaasivia Allagaateqarfialu kiisalu Groenlandica ilisimatusarnermik ingerlataqarput.

 

Ilisimatusarfik

Ilinniarfiit qulingiluat Ilisimatusarfimmiipput:

• Ingerlatsinermik immikkoortortaqarfik
• Oqaasilerinermik, Atuakkialerinermik Tusagassiuutilerinermillu immikkoortortaqarfik
• Inuiaat Piorsarsimassusaasalu oqaluttuarisaanerannik immikkoortortaqarfik
• Upperisarsiornermik immikkoortortaqarfik
• Peqqissaanermik immikkoortortaqarfik
• Isumaginninnermik immikkoortortaqarfik
• Ililnniarfissuaq – Ilinniartitsisunngorniarfik, Inerisaavik – Ilinniaatsinut immikkoortortaqarfik
• Tusagassiornermi immikkoortortaqarfik

Ilisimatusarfik pillugu paasissutissat sukumiinerusumik nittartakkami uani takuneqarsinnaapput: www.ilisimatusarfik.gl

 

Kalaallit Nunaanni Naatsorsueqqissaartarfik

Naatsorsueqqissaartarfik misissuinerit imissutigineqartut ilisimatusarnermullu peqataanerit suliarisarpai.

Naatsorsueqqissaartarfik pillugu nittartakkami uani sukumiinerusumik takuuk: www.stat.gl

 

Meeqqat Inuusuttullu Pillugit Ilisimasaqarfik (MIPI)

Meeqqat inuusuttullu pillugit Ilisimasaqarfik (MIPI) meeqqat inuusuttullu pillugit ilisimasanik ingerlatitseqqiisartuuvoq.

MIPI pillugu nittartakkami uani sukumiinerusumik takuuk: www.mipi.gl

 

Groenlandica

Groenlandica Nunatta Atuagaateqarfiata ataani nuna tamakkerlugu atuagaateqarfiuvoq atuagaatinullu ilisimatusarfiulluni.

Groenlandica pillugu nittartagaq una sukumiinerusumik takuuk: www.groenlandica.gl

 

Inerisaavik

Inerisaaviup suliassaraa Kalaallit Nunaanni meeqqat atuarfiini atuartitsinerup ilisimatusarfiginissaa ineriartortinnissaalu.

Inerisaavik pillugu nittartakkami uani sukumiinerusumik takuuk: www.inerisaavik.gl

 

Nunatta Katersugaasivia Allagaateqarfialu

Nunatta Katersugaasiviata Allagaateqarfiatalu kulturikkut oqaluttuarisaanermik ilisimatusarneq ingerlataraa. Kalaallit Nunaata oqaluttuarisaanera piffissaq tamaat pisukkaarlugu apeqqutigineqartartut itsarnitsanik ilisimatusarnermi aallaavigineqarpoq. Inuiaqatigiilerinermut kulturimullu tunngasunik misissuinermi kalaallit atisatoqaat kulturilu aallaavigineqarput, oqaluttuarisaanermullu tunngasut nunasiaateqarnermut sammitinneqarlutik. Taassuma saniatigut Nationalmuseumi kulturikkut oqaluttuarisaanermut eqqissisimatitsinermullu tunngasunut tamanut akisussaasuuvoq aatsitassarsiorfinnullu nukissiorfinnullu arlalinnut siunnersuisartuulluni.

Nunatta Katersugaasivia Allagaateqarfialu pillugit nittartakkami uani sukumiinerusumik takuuk: www.natmus.gl

 

Inunnut inuiaqatigiinnullu tunngasunik ilisimatusarneq

Ilisimatusarfiit arlallit Kalaallit Nunaanni pissutsinik ilisimatusarnermik ingerlataqarput. Ilisimatusarfigineqartut pingaaruteqarnerit tassaapput:

• The International Work Group on Indigenous Affairs nunap inoqqaavi pillugit ilisimatusartoq ilaatigut nunanut issittumiittunut tunngassuteqartunik. Tamanna pillugu nittartakkami uani sukumiinerusumik takuuk: www.iwgia.dk
• Retsvidenskabeligt Institut Københavnip Universitetianiittoq, pingaarnerutinneqarluni naalagaaffeqatigiinnermi naalagaaffiup innuttaasullu pisinnaatitaaffiinut tunngasut inuiaqatigiinnilu eqqartuussisoqarneq. Tamanna pillugu nittartakkami uani sukumiinerusumik takuuk: www.ku.dk
• Aalborg Universitet-ip inuiaqatigiilerinermi nunarput pillugu kiisalu nunap aningaasarsiornerullu pilersaarusiorneqarnera samminerullugit ilisimatusarneq ingerlanneqarpoq. Nittartagaq una sukumiinerusumik takuuk: www.aau.dk

 

Inuit kulturiannik ilisimatusarfik aamma Issittumi ilisimatusarneq

Inuit kulturiannik Ilisimatusarfimmi aamma Arktiske Studier ved Institut for Tværkulturelle og Regionale Studier Københavnip Universitetianut atasumi oqaatsinut, kultureqarnermut inuiaqatigiinnullu tunngasunik ilisimatusarnernut tunngasut ilinniartitsissutigineqarput ilisimatusarfigineqarlutillu. Nunat sumiiffii tunngavigalugit ilisimatusarnerit Kalaallit Nunaanni, Canadami, Alaskami Sibeeriamilu inuit najugaannut sammisitaanerupput, Kalaallilli Nunaat pingaarnerutillugu. Kalaallit oqaasii allanertat oqaasiisut ilinniartitsissutigineqartarput.

Nittartagaq una sukumiinerusumik takuuk: www.tors.ku.dk

 

Center for Grønlandsforskning

Kalaallit Nunaanni Qitiusumik ilisimatusarfik (SILA) Københavnimi Nationalmuseumip ataaniittoq 1999-mi pilersinneqarpoq. 2009-mili SILA – Arctisk Center ved Etnografisk Samlingimik taaguuteqalerpoq. Avannaarsuani Atlantikullu avannaatungaani itsarnisarsiornermut oqaluttuarisaanermullu ilisimatusarnikkut qitiuvoq. Qitiusumik ilisimatusarfiup Nunatta Katersugaasivia Allagaateqarfialu qanimut suleqatigai.

Tamanna pillugu nittartakkami uani sukumiinerusumik takuneqarsinnaapput: www.natmus.dk